Полскиот 28-годишен напаѓач Аркадиуш Милик ќе ја продолжи професионалната кариера во редовите на Јувентус, информира новинарот Фабрицио Романо.

Досегашниот клуб на Милик, Олимпик Марсеј уште во среда ја прифатил понудата на „Старата дама“. Минатата сезона во француската „Лига 1“ овој фудбалер запиша седум голови во 23 настапи.

Полјакот до крајот на оваа натпреварувачка сезона ќе игра во Јуве како позајмица вредна еден милион евра, со евентуален милион евра повеќе низ бонуси.

Италијанскиот клуб после тоа ќе може да го купи Милик, а доколку се реши за таа опција ќе треба да издвои уште осум милиони евра. За денеска се очекува да пристигне во Торино на лекарски прегледи.

Милик во својата кариера има само еден трофеј, со екипата на Наполи во сезоната 2019/2020 во италијанскиот Куп. Интересно, тогаш во финалето играше токму против Јувентус, и беше херој на „наполитанците“ во пенал серијата постигнувајќи го победничкиот гол за освојување на куп титулата.

Arkadiusz Milik to Juventus, here we go confirmed! Full agreement on loan move [€1m fixed fee, €1m add-ons] plus €8’ buy option not mandatory. OM already accepted yesterday. 🚨⚪️⚫️ #Juventus

Milik, in Turin today for medical.

Next signing for Juventus: Leandro Paredes. pic.twitter.com/Xz5EA2ikrJ

— Fabrizio Romano (@FabrizioRomano) August 25, 2022