Горивата со нови, повисоки цени – Слободен печат
ВестиЕкономија

Горивата со нови, повисоки цени

Граѓаните оваа недела ќе точат поскапи горива на бензинските пумпи низ државата.

Регулаторната комисија за енергетика и водни услуги одлучи од ноќеска на полноќ цената на бензините да се зголеми за 1,5 денари, а на дизелот и екстралесното гориво за денар.

Новата цена на ЕУРОСУПЕР БС-95 изнесува 70,50ден/лит, а на ЕУРОСУПЕР БС-98 72,50 денари за литар. Еден литар ЕУРОДИЗЕЛ (Д-Е V) ќе се продава за 62 денари, а екстралесното масло за домаќинство (ЕЛ-1) за 51,50 денари за литар.

Малопродажната цена на мазутот М-1 НС се зголемува за 1,343 денари и еден килограм од тој енергенс ќе чини 36,081 денар.

Малопродажните цени на нафтените деривати согласно Методологијата за формирање на цените, се зголемуваат во просек за 2,35 проценти.

РКЕ ја донесе одлуката врз основа на цените на нафтените деривати на светскиот пазар и курсот на денарот во однос на доларот во тек на изминатата недела.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close