Горан Ангелов-Ќосето, осуден на 11 години затвор за упадот во Собранието на 27 април 2017 година, е условно пуштен на слобода откако одлежал две третини од казната, потврдил тој самиот за „МКД.мк“.

Ангелов се жалеше на низа здравствени проблеми додека беше во затвор и неколкупати добиваше прекин на издржување на казната.

Излегувањето од „Идризово“ тој го одбележа со фотомонтажа која ја објави на „Фејсбук“ – на неа се гледа Ангелов во победничка поза и со скршени пранги, бел гулаб кој симболички летнува кон слободата, како и портрет на Андон Лазов Јанев – Ќосето, револуционерот и член на историското ВМРО, по кого Ангелов го носи прекарот.

Покрај фотографијата, тој објави и генерирано видео со слични мотиви:

За насилството во Собранието на „крвавиот четврток“ беа осудени вкупно 16 луѓе, на казни од 7 до 16 години, за кривичното дело „терористичко загрозување на уставниот поредок и безбедноста“.

Почина Игор Југ, кој беше осуден за „27 април“