Манчестер Јунајтед и Борнмут одиграа спектакуларно реми со осум гола (4-4) на „Олд Трафорд“ во рамките на 19. коло на Премиер лигата. Мечот изобилуваше со пресврти, атрактивни погодоци и возбудливи моменти.

Јунајтед поведе со гол на Амад Дијало, но Борнмут успеа да израмни преку Семењо. Каземиро со гол во судиското продолжение од првото полувреме го врати водството на домашните, но во вториот дел гостите веднаш израмнија, а по слободен удар повторно поведоа.

Бруно Фернандеш со мајсторски слободен удар во 76. минута донесе 3-3, а Куња по одлична акција со Бенјамин Шешко ги донесе домашните до водство, кое Борнмут повторно израмни преку Крупи во 84. минута.

На крај, ремито е реален исход за два тима кои прикажаа возбудлива партија и осум гола на „Театарот на соништата“.

Преземено од: Sport.com.mk