Детето кое на 13 години тврдеше дека е најмладиот татко во Велика Британија, израсна во насилник кој денес за влакно избегна затвор.

Алфи Патен своевремено имаше речено дека на својата девојка Шантел Стедман, која се породи на 15 години, и има направено бебе. Меѓутоа, ДНК анализата покажа дека таткото, впрочем, е друг младич кој бил на нејзини години.

Патен денеска има 23 години, а вчера се појавил на суд откако пијан дивеел уништувајќи автомобили и имот.

Дејли Меил дознава дека денес тој е алкохоличар без работа, живее со мајка си и има долга историја на кривични дела.

Една затворска казна од 24 месеци веќе му висеше над глава откако на 14 јуни е осуден за кражба и поседување имитација на огнено оружје.

Хана Харлеј кажа пред судот дека Патен пијан шутнал комбе и го оштетил, а потоа пробил низ ограда викајќи по постарите сограѓани.

На крај тој добил условна казна, бидејќи одбраната тврдела дека има проблем со алкохолот.