Ѓоковиќ се огласи: Не се каам, му честитам на Алкараз, заслужи да биде прв
Новак Ѓоковиќ и оваа година ги пропушти мастерсите во Америка, Индијан Велс и Мајами поради забрана за влез во САД.
Сепак, Ѓоковиќ не е загрижен премногу за ваквата ситуација и тоа го откри во интервју за „Си-Ен-Ен“.
„Не, не се каам. Во животот научив дека каењето само те успорува и прави да живееш во минатото, а јас тоа не сакам да го правам. Исто така не сакам да живеам премногу и во иднината. Сакам да бидам колку што можам повеќе во сегашниот момент, но секако не размислувам за во иднина и сакам да создавам подобра иднина. Затоа, му честитам на Алкараз, апсолутно заслужува да се врати во првото место“, изјави Ѓоковиќ.
Призна Ѓоковиж дека жали затоа што што не настапи на турнири кои во минатото имал успех, но за ваква ситуација бил спремен од самиот почеток.
„Штета што не можев да играм на Индијан Велс и Мајами, ги сакам тие турнири. Имав успех таму, но во исто време тоа беше свесна одлука и знаев дека постои можност да се доведам во ваква ситуација. Се надевам дека сегашната ситуација ќе се промени за УС Опен. Тоа за мене е најважниот турнир на американско тло“.
