Ѓоковиќ против светот, ништо ново – следува ли најголемата тениска приказна во историјата?
Новак Ѓоковиќ успеа, по рочиштето кое траеше речиси десет часа, судот на австралиската држава Викторија застана на негова страна и му даде виза за влез во земјата.
Престојот на Ѓоковиќ во Австралија, во која на 17 јануари започнува првиот грен слем турнир годинава, „Австралија опен“, сепак може да биде откажан од министерот за имиграција Алекс Хок, иако сè уште не се знае дали ќе го стори тоа.
Излегувањето на Ѓоковиќ од хотелот за мигранти во Мелбурн предизвика лавина реакции, а многу спортисти и колеги тенисери му дадоа поддршка. Дури и оние кои не мислат дека неговото одбивање да се вакцинира е добар потег.
Една од најголемите тенисерки во историјата, легендарната Мартина Навратилова, изјави дека не се согласува со Ѓоковиќ за вакцинацијата, но дека смета дека треба да му се дозволи да настапи во Мелбурн.
Novak Djokovic should not have had his visa cancellation overturned- very well put… Though I disagree with not getting vaccinated; at the end of the day it seems Novak did play by the rules as they were for the exemption and was burned. Let him play. https://t.co/VSu6AoGngW
— Martina Navratilova (@Martina) January 10, 2022
– Визата на Новак не требаше да биде одбиена. Не се согласувам со тоа дека одбива да се вакцинира, но ми се чини дека постапуваше по правилата околу изземање. Дозволете му да игра – напиша Навратилова на „Твитер“.
Шпанскиот тенисер Фелисијано Лопез смета дека австралиските власти организирале циркус за случајот Ѓоковиќ и порачале дека ова е тениска победа.
Можеби најефективната изјава во целата оваа приказна за Ѓоковиќ ја даде индискиот тенисер Сомдев Деварман.
– Новак против остатокот од светот. Сме виделе порано, но ова е поинаку. Доколку сето ова заврши со одбрана на титулата и 21 Грен слем, тоа ќе биде една од најголемите тениски приказни досега – објави Деварман на својот „Твитер“.
Novak vs the world. We've seen that before. This is different.
If he ends up defending his title and getting to 21 slams, it'll be one of the greatest tennis stories ever told
— Somdev Devvarman (@SomdevD) January 10, 2022
Новак Ѓоковиќ ја доби жалбата против депортацијата од Австралија
Новак Ѓоковиќ ја доби жалбата против депортацијата од Австралија