Ѓоковиќ го дозна првиот ривал на турнирот во Дубаи
И официјално е одржана жрепката за претстојниот турнир во Дубаи во машка конкуренција (21-26 февруари 2022 год.), а на кој ќе настапи и најдобриот светски тенисер, Новак Ѓоковиќ.
Прв противник на српскиот ас ќе биде Италијанецот Лоренцо Мусети, моментно 57 играч на АТП ранг листата и кој го доби специјална покана за настап на овој турнир.
Доколку Ѓоковиќ ја оправда фаворитската улога, во следната фаза ќе се соочи со подобриот од дуелот Карен Хачанов – Алекс де Минор.
Специјални покани или „вајлд-кард“ за учество во Дубаи добија уште Енди Мареј и Малек Џазири.
Ѓоковиќ досега вкупно петпати го освојуваше турнирот во 2009, 2010, 2011, 2013 и 2020 година. Рекордер е Швајцарецот Рожер Федерер со осум трофеи.
Титулата ја брани Аслан Карацев кој лани во финалето го совлада Лојд Херис.
Official ATP Draw! 🤩 pic.twitter.com/w8p7UBBPG1
— Dubai Tennis Champs (@DDFTennis) February 19, 2022