Германскиот медиумски гигант РТЛ објави дека планира да укине меѓу 700 и 1.900 работни места во својот сегмент на списанија и да се фокусира на основните брендови кои генерираат најголем приход.

Групацијата моментално издава 23 списанија, а одлуката за укинување на работните места во тој дел од бизнисот е донесена поради падот на продажбата што може да предизвика финансиски загуби.

Тие планираат да се фокусираат на основните брендови, како што се Штерн, Гео и Бригите и да ги затворат или продаваат нивните специјализирани изданија. Ќе го затвори и списанието за славни личности Гвидо и Барбара, базирано на ТВ презентерката Барбара Шенбергер.

Групата ќе задржи 13 брендови, кои сочинуваат околу 70 отсто од продажбата, според податоците на РТЛ Груп. До 2025 година компанијата планира инвестиции во тој дел од бизнисот од околу 80 милиони евра, пренесува Пословни хр.