Геј пар испиша историја: Склучен првиот истополов брак во Грција
Нешто повеќе од две недели откако Грција го усвои нацрт-законот за признавање на истополовите бракови, активистите за правата на ЛГБТК+, Ставрос Гаврилијадис и Димитрис Елефсиниотис станаа првата истополова двојка што легално стапила во брак, пренесува „Јаху“.
На граѓанската венчавка, која се одржа во градското собрание на Неа Смирни, предградие на Атина, во саботата, на 3 март, беше присутен и Константинос Анагностопулос, заменик-градоначалникот на градот.
Gay couple makes history with the first same-sex wedding in Greecehttps://t.co/6Fz80P86fa
— HomoGenius 🏳️🌈🏳️🌈🏳️🌈 (@HomoGenius3) March 5, 2024
Додека Грција законски ги призна истополовите заедници од 2015 година, новата легислатива што грчкиот парламент го усвои на 15 февруари 2024 година, им дава целосно брачно признавање на истополовите двојки, што ја прави првата христијанска православна земја која им дава такви права на ЛГБТК+ заедница.
Гаврилијадис и Елефсиниотис, кои се заедно 20 години, имаат три деца. Досега не можеа да бидат препознаени како двајцата родители на нивните деца. Меѓутоа, за прв пат во Грција, новиот закон за брак дозволува истополовите парови да бидат признати како родители на децата на нивниот сопружник.