По повод Светскиот ден на здравјето ЈЗУ ЗД Железничар Скопје пред установата организира двочасовни бесплатни, превентивни прегледи со цел навремено откривање и превенција на заболување.

На граѓаните кои дојдоа им беше измерен крвен притисок, шеќер, висина и тежина, обем на струк и колк, а добија и консултации со медицински лица, како и други совети за здрав живот.

Во акцијата учестуваа и од Хема-онко – Здружение за помош и поддршка на пациенти со хематолошки заболувања и нивни негуватели, кои ги информираа граѓаните за хематолошките заболувања, исто така ги едуцираа за здравиот начин на исхрана, со цел подобрување на квалитетот на животот на овие пациенти.

Настанот беше збогатен со изложба на цртежи на Живко Поповски Цветин под мотото: „Цвеќе, Здравје, Мир“.

Присутни беа и поетите: Драгица Пандиловска, Павле Стојановски и Љубица Бунтеска, како и оперската певица Серафина Фантаузо.