На денешните парламентарни избори во Германија додека се очекува изборот на идниот канцелар, бурна дискусија во јавноста предизвика гласачкото ливче кое го уфрли еден од кандидатите Армин Лашет од владејачката ЦДУ/ЦСУ.

Имено, Лашет намерно или несвесно обратно го свитка своето гласачко ливче и така го уфрли во гласачката кутија на избирачкото место во Ахен при што јасно беше видлив неговиот глас.

Чинот беше забележан и од страна на бројните фоторепортери и сниматели.

"Before leaving the polling booth the voter has to fold the ballot paper in such a way that the markings cannot be seen"

Conservative chancellor candidate @ArminLaschet voting at #btw21: pic.twitter.com/4gQSBJdA47

— Benjamin Alvarez (@BenjAlvarez1) September 26, 2021

Многумина, ова го протолкуваа како кршење на избирачкото право, а некои дури и побараа да се поништи неговиот глас.

Во членот 56 од изборниот закон јасно е наведено дека од гласачкото место мора да се врати лицето кое гласачкото ливче го свиткало на начин што јасно се гледа за кого го дало гласот.

Тоа би значело дека изборната комисија, кога ќе ја увиди оваа „грешка“ на Лашет да му даде ново гласачко ливче и да го поништи претходно свитканото ливче.

Бидејќи тоа не е направено, правните експерти истакнуваат дека не е можно да се поништи неговото ливче, бидејќи веќе е во кутијата.

Исто така и неговата сопруга Сузане Лашет, како и сопругот, погрешно го свиткала ливчето и кај неа беше јасно видливо дека го дала својот глас за ЦДУ.

Инаку, по гласањето Лашет порача дека “на овие избори важен е секој глас“.