Фудбалерите се преценета роба, играчот вреди 10 милиони, а ние го продаваме за 40 милиони евра
Португалскиот шампион Порто во летниот преоден рок заработи дури 126 милиони евра од продажба на своите фудбалери.
Португалскиот гигант Порто во последните седум години го загуби приматот на најдобар тим во домашниот шампионат, ја освои титулата само два пати, додека Бенфика дури пет пати го крена шампионскиот пехар, а тоа се одрази и на финансиите.
Неучеството во Лигата на шампионите минатата сезона како и пандемијата на коронавирусот силно го погодија Порто кој мораше да ги продава дел од своите најдобри играчи за да „преживее“.
И Порто во летниот преоден рок помина одлично, претседателот на тимот Пинто да Коша откри дека од трансферите остватиле профит од 126 милиони евра.
– Според актуелната состојба на трансфер пазарот, нашиот цел тим вреди 76 милиони евра, а ова лето од продажба на нашите фудбалери заработивме дури 126 милиони евра. Како е возможно тоа? Тоа е демонстрација на тоа колку фудбалерите на преценета роба – изјави да Кошта.
Првиот човек на португалскиот тим своите зборови најдобро ги објасни прекуи примерот на продажбата на Фабио Силва. Тинејџерот кој се смета за еден од најголемите таленти ова лето беше продаден на Вулверхемптон за 40 милини евра.
– Продажбата на Фабио Силва е одлична работа за нас од економска гледна точка. Тој имаше откупна клаузула од 10 милиони евра, а Вулверхемптон го плати 40 милиони. Токму затоа неговата продажба беше важна за нас – вели да Кошта.