Фудбалери на Баерн основаа фонд за борба против коронавирус, а не се ниту вакцинирани
Фудбалерите на Баерн Минхен во наредниот период ќе бидат без тренерот Јулијан Нагелсман кој е позитивен на коронавирус.
Сега фудбалерите на баварскиот тим одлучија поактивно да се вклучат во борбата против коронавирусот и Џошуа Кимих и Леон Горецка основаа фонд „Да ја шутнеме короната“ која се грижи за болните од коронаворусот. Двајцата фудбалери донираа по милион евра за оваа акција, а претходно Кимих донираше и половина милион евра на УНИЦЕФ.
– Секој од нас може да направи короната да не се шири, а сите заедно можеме да дадеме допринос заедницата да биде побезбедна – изјави Кимих.
Интересно Кимих донира милион евра за новата фондација, а тој заедо со уште четворица фудбалери се уште не се вакцинирани, пишува „Билд“.
Од друга страна, Нагелсман кој е во карантин, е голем заговорник на вакцинацијата.
– Прашајте ги медицинските работници низ каков пекол поминуваат луѓето кои не се вакцинирани. Затоа сум поборник на вакцинацијата и верувам дека тоа е за доброто на сите, но никогаш не би наговорал некого на било што – изјави Нагелсман.