Французите го нападнаа Ѓоковиќ: Неговите солзи се лажни

Ѓоковиќ не успеа да го издржи притисокот и во финалето на УС Опен загуби од Медведев во три сета/Њујорк, САД/12 септември 2021/Фото: EPA-EFE/JUSTIN LANE

Новак Ѓоковиќ загуби во финалето на УС Опен од Данил Медведев во три сета (6:4,6:4,6:4) и го сруши сонот на српскиот тенисер за календарски слем.
Ѓоковиќ сонуваше за триумф во Њујорк со што ќе станеше првиот тенисер по Род Лејвер од 1969 година кој победил на сите четири грен слем турнири во една година, но Медведев му ги сруши сонот.

Ѓоковиќ на крајот заплака, прво на теренот кога конечно ја доби поддршката од навивачите, односно целиот стадион „Артур Еш“ навиваше за него, а Медведев се најде во позиција во која дотогаш беше Новак посебно во мечевите кога играше против Рожер Федерер во минатото. Потоа Ѓоковиќ не можеше да ги задржи солзите ниту на прес-конференцијата.

Францускиот магазин „Лекип“ објави разговор со спортскиот психолог Изабел Иншаусп која го обвини Ѓоковиќ дека неговите солзи биле лажни.
– На него ништо не му верувам. Не верувам дека плачеше. Не знам дали му го видовте лицетот кога се врати по паузата. На теренот повеќе не плачеше – изјави Иншаусп која смета дека тоа биле психолошки игри на српскиот тенисер.

– Мислам дека неговото его доживеа таков удар по што се обиде со шаховска стратегија, мислејќи дека Медведев ќе попушти доколку се случи нешто што не може да поднесе. Тоа го направи за да го сврти мечот – додава Иншаусп.

Но, друг психолог со кој „Лекип“ разговараше, Мерием Салми има поинакво мислење.
– Ѓоковиќ не лаже, невозможно е да се одглуми такво нешто – рече Салми.

Видео на денот