Фотографија од село од Полска изминативе денови привлекува внимание на социјалните мрежи, а станува збор за Сулошова, каде што, судејќи по снимката од воздух, односно со дрон, сите жители живеат во една улица.

Живописно место на 45 минути од Краков – селото Сулошова, благодарение на необичниот распоред на куќите на мештаните, привлекува внимание на социјалните мрежи, а фотографиите од птичја перспектива во последно време се особено популарни.

Сулошова е всушност една од најдолгите улици во Полска и се протега на површина од приближно 9 километри. Групи куќи и згради се протегаат покрај патот, а додека „на земја“ тоа не изгледа посебно – од воздух претставува живописна панорама.

6000 people live in soluszowa, poland
on one single street pic.twitter.com/XfaslyeAds

— ian bremmer (@ianbremmer) April 2, 2023

„6.000 луѓе живеат во Сулошова во Полска на една улица“, е описот на фотографијата споделена на Твитер, која е прегледана речиси седум милиони пати.

Живописните погледи и карактеристичниот распоред на селските улици не се единствените атракции на ова место.

Тука е и Црвената патека на орловите гнезда и европската културна рута „Вие Реџиа“, која е еден од патиштата на Свети Јаков кој води до светилиштетот Сантиаго де Компостела.

Селото е поврзано и со познати атракции, вклучувајќи го Националниот парк Ојцовски и Пиескова Скала – замок на врвот на карпата од 14 век.