Милица Ѓурѓиќ, партнерка на премиерката на Србија Ана Брнабиќ, се најде на насловната страница на арапското издание на познатиот моден магазин „L’Officiel“.

На фотографијата која ја краси насловната страница на овој магазин, Милица Ѓурѓиќ позира во ефективен фустан од познатата српска дизајнерка Роксанда Илинчиќ.

 

View this post on Instagram

 

A post shared by L’Officiel Arabia (@lofficielarabia)

Роксанда Илинчиќ е светски позната дизајнерка која со години живее и работи во Лондон, а нејзините модели ги носат Кејт Мидлтон, актерките Џесика Честејн, Гвинет Палтроу, Ема Вотсон, Кира Најтли, пејачките Лејди Гага, Флоренс Велч, поранешната прва дама на САД Мишел Обама…

Елегантното издание е само едно од добрите модни избори на Милица Ѓурѓиќ. Таа ретко се појавува во јавноста, но секој нејзин стајлинг привлекува големо внимание.

Милица во интервјуто за споменатиот магазин открила како ја доживува модата.

– Ја сакам модата, но не сум нејзин роб. Не ги следам трендовите. Го носам она што го сакам и во што добро се чувствувам – рекла партнерката на српската премиерка.