ФОТО+ВИДЕО | Роберт Билбилов и Лејла Рамковска заљубени во Ница: Уживаат во градот пред почетокот на Детската Евровизија
Откако јавно потврдија дека се во врска, Роберт Билбилов и Лејла Рамковска воопшто не кријат колку се заљубени и често објавуваат заеднички фотки и видеа, а сега покажаа и како уживаат во Ница.
Музичарот објави неколку фотографии и видео на својот инстаграм-профил каде може да се забележи дека навистина им годи ова патување во една од најпосетуваните туристички дестинации, каде има чисто море, атрактивни плажи, барови, дискотеки и каде речиси секој ден е незаборавно доживување.
„Прв ден во Ница“, стои на фотографиите, каде што открија дел од атмосферата во градот.
На фотографиите може да се види како се шетаат низ градот, возат велосипеди, од посетата на замокот во Ница и како уживаат во убавините на француската ривиера, а несомено е дека се вистински заљубени.
Инаку, во Ница на 26 ноември ќе се одржи Детската Евровизија на која ќе не претставува младата Тамара Грујеска со песната „Кажи ми, кажи кој“. Билбилов, заедно со Дарко Димитров и Коста Петров, се автори на оваа песна.