Стрип во кој се појавува ликот на Супермен се продаде за 6 милиони долари, што го прави најскапото стрип издание што постои досега, според аукциската куќа „Херитиџ“, пишува „НБЦ њус“.

Аукциската куќа со седиште во Тексас соопшти дека „Акциониот стрип“ бр. 1 од 1938 година го надмина претходниот рекорд на продажба на стрипови, кој го чуваше копијата од „Супермен“ бр. 1 што се продаде приватно за 5,3 милиони долари во 2022 година.

Претходниот рекорд за продаден стрип на аукција беше 3,6 милиони долари за примерок од „Неверојатна фантазија“ бр.15 во кој дебитираше ликот на Спајдермен.

Верзијата на стрипот што се продаде оваа недела е дел од збирката позната како „Педигре на Канзас Сити“, која се појави во доцните 1960-ти и која се состои од речиси 250 изданија од прво издание на овој стрип објавени од 1937 до 1940-тите.

Веднаш по продажбата немаше официјални информации за купувачот. Други познати носители на овој уникатен стрип го вклучува и актерот Николас Кејџ, кому му беше украдена копија во 2000 година и либанскиот милијардер Ајман Харири.

Аукцијата на „Херитиџ“ се одржа во Далас, Тексас, а беше вклучено и онлајн наддавањето. Беа продаде стрипови вредни повеќе од 25 милиони долари.

Инаку, Супермен беше создаден од писателот Џери Сигел и илустраторот Џо Шустер во раните 1930-ти, и се појави во неколку рани изгледи сè додека „Акциониот стрип“ не ја објави верзијата на Супермен која е  најпозна кај публиката денес, во јуни 1938 година. Стрипот се продаваше за 10 центи – што е еквивалентно на околу 2 американски долари денес – во серија од околу 200.000 примероци.

The most expensive comic book in the world 🌎 https://t.co/HWCpQRG1x3 pic.twitter.com/MO8kcuoPul

— Heritage Auctions (@HeritageAuction) April 4, 2024