ФОТО+ВИДЕО | „Ме опушта“: Терапевтски кучиња ги релаксираат патниците на аеродромот во Истанбул
Терапевтски кучиња ги опуштаат и ги смируваат напнатите патници на аеродромот во Истанбул, а наскоро нивниот број ќе се зголеми бидејќи се покажа дека патниците позитивно реагираат на нив.
Аеродромот ја спроведува оваа програма во последниве недели за да помогне во намалувањето на стресот и вознемиреноста кај патниците кои минуваат низ неговите терминали, пишува „Ројтерс“.
Една од нив е и патничката Анастасија Подмазова, која имала прилика да помине време со кучето Куки.
„Ме опшушта. Ги сакам животните, навистина е добро“, рекла таа.
По позитивните повратни информации од патниците, аеродромскиот оператор ИГА сака да го прошири проектот, зголемувајќи го бројот на кучиња достапни за смирување на патниците од пет на десет, рече Абдулкадир Демирташ, менаџер за искуство со клиенти.
„Патувањето може да биде стресно. Според истражувањата, интеракцијата меѓу животните и луѓето го намалува стресот и нивото на анксиозност“, рече Демиртас.
Мурат Џенгиз Коџа, експерт за однесувањето на кучињата и тренер кој ги придружува кучињата на аеродромот, вели дека животните се обучени да не реагираат на звуци или луѓе.
„Кучињата што ги избравме да бидат дел од овој проект поминаа низ едногодишен процес и обука. Тие се тука денес затоа што беа успешни“, нагласува тој.