Во скопско Дебар маало, вчеравечер се одржа промоцијата на новиот албум на Игор Џамбазов и Игор Атанасовски – Харе, „Првите триесет“.

Сосема очекувано, настан кој на едно место ги собра пријателите и соработниците на Игор и Харе, како и вистинските љубители на софистициран македонски блуз. Многу познати ликови од естрадата, филмскиот и музички свет и инфлуенсери.

Додека локалот полека се исполнуваше со гостите кои трпеливо чекаа ред за да добијат автограм и фотогарфија со ѕвездите на вечерта Игор и Харе, во позадина се слушаа 17-те песни од албумот.

Промоцијата започна со мини концерт и добро познатите блуз рефрени, што дополнително ги расположи присутните. Игор како и секогаш расположен да раскаже по некоја интересна приказна, да ги поздрави сите кои им помогнале низ годините и  да се пошегува и на своја сметка.

„Добредојдовте на промоцијата на „Првите 30“, на 4-ти јули, денот на борецот, а ние сме познати како едниствени борци во Македонија против кичот, шундот, турбофолкот и плејбекот. Добредојдовте истомиленици!“, ги поздрави гостите Џамбазов.

Убава и пријатна атмосфера, одлична музика, урбани и насмеани ликови, меѓу кои Тони Михајловски, Весна Петрушевска, Милан Калиниќ, Пере – Нокаут, Лила Филиповска, Дарија Ризова, Срѓан Јанакиевиќ…

За сите вас што можеби го пропуштивте сето ова вчеравечер, екипата на „Слободен печат“ ви го пренесува со фотографии и видео: