Три куќи изгореа во пожар што вчера избувна во населбата Злокуќани во скопската општина Карпош.

Неофицијално, во пожарот биле повредени две лица кои биле пренесени во болница.

Засега не се познати причините, за избувнување на пожарот.

Пожарот беше пријавен вчеравечер, нешто по 20 часот, на единствениот број за итни случаи 112. Според пријавата, пожарот првин избувнал во куќа на улицата „Скупи“, а потоа ги зафатил и соседните објекти во непосредна близина.