Кошаркарското игралиште во КПУ Затвор Скопје е целосно обновено, како дел од активностите за подобрување на условите за престој и поддршка на процесот на ресоцијализација на осудените лица, објави Управата за извршување на санкции.

Од установата посочуваат дека спортот има значајна улога во секојдневието на осудените лица, бидејќи придонесува за градење дисциплина, тимски дух, одговорност и здрави животни навики.

Со обновата на игралиштето се обезбедуваат подобри услови за рекреација, физичка активност и поконструктивно користење на слободното време.

КПУ Затвор Скопје најавува дека ќе продолжи со активности насочени кон создавање попозитивна средина, како и кон поддршка на успешната ресоцијализација и реинтеграција на осудените лица во општеството.

Жена му однела јајца со кокаин и марихуана на сопругот во затворот Идризово