ФОТО | Влезе во историјата! Марта Стјуарт на 81 година на насловната на „Спортс илустрејтед“
Претприемачка, телевизиско лице, готвачка и авторка Марта Стјуарт (81) позираше за насловната страница на магазинот „Спортс илустрејтед“ (Sports Illustrated Swimsuit). Марта влезе во историјата како најстарата жена што позирала за насловната страница на тоа списание.
„Кога слушнав дека ќе бидам на насловната страница на ‘Спортс илустрејтед’, си помислив: ‘Ох, тоа е навистина добро, ќе бидам најстарата личност досега на таа насловна страница’. Не размислувам многу за годините, но мислев дека ова на некој начин е историско“, рекла Марта во интервјуто.
Таа рекла дека новинарите на магазинот ја контактирале во ноември 2022 година, а снимањето било во јануари 2023 година.
„Да се биде на насловната страница на мои години е предизвик. И мислам дека го исполнив“, изјавила Марта во емисијата „Тудеј“.
Пред снимањето, вели таа, вежбала пилатес и неколку месеци избегнувала леб и тестенини. Луѓето со кои работела биле многу мотивирачки и охрабрувачки.
„Ти велат дека изгледаш добро. Тоа е убаво. Тие на некој начин потврдуваат дека е во ред да го правите тоа што го правите“, рече таа.
Иако била загрижена да позира за насловната страница, сепак, се согласила.
„Мислам дека секој треба да размислува за добар живот, за успешен живот и не за стареење. Целото работа со стареењето е толку здодевно“, рекла Марта.
Освен неа, за насловната страница позираа и актерката Меган Фокс, пејачката Ким Петрас и моделот Брукс Надер.
When we said this year was going to be epic, we meant it. Find out now who your 2023 SI Swimsuit cover models are!https://t.co/JmTTTteBEt
— Sports Illustrated Swimsuit (@SI_Swimsuit) May 15, 2023