ФОТО | Вештачката интелигенција создаде фотографија од „идеалниот“ Џејмс Бонд: Изгледа како згодниот холивудски актер
Додека продолжува потрагата по наследникот на Даниел Крег, компанијата за видеоигри „Unwind Media“ побара помош од вештачката интелигенција, за да создаде фотографија од „идеалниот“ Џејмс Бонд, а како што многумина забележаа, личноста на фотографијата за која вештачката интелигенција АИ мисли дека би бил совршениот агент 007 е многу слична на славниот актер.
Имено, при креирањето на фотографијата на Бонд, вештачката интелигенција се водела од одредени параметри кои биле поставени, како што се, на пример, барањата Бонд да биде помлад од 40 години и исклучително згоден.
Резултатот покажаl неверојатна сличност со актерот Арон Тејлор-Џонсон, ѕвезда на „Bullet Train“ и „Kick-Ass“.
Случајно, Џонсон (32) се наоѓа на тесниот список на актери за кои се шпекулира дека се во трка за улогата на Џејмс Бонд, покрај Идрис Елба, Том Харди, Хенри Кавил, Ричард Маден и Реџе-Џин Пејџ.
Портпаролот на компанијата за видеоигри бил шокиран од неверојатната сличност на личноста креирана од вештачка интелигенција со Тејлор-Џонсон, велејќи за „Тајм“:
„Ќе биде неверојатно ако сега тој навистина ја добие таа улога.“
„Unwind Media“, исто така, ја поттикна вештачката интелигенција да ја создаде следната Бонд девојка, со инструкции да замисли британска актерка во нејзините средни 20-ти години.
Резултатот на софтверот покажа русокоса со живописни сини очи. Дигитално произведената дама покажа сличност со Шарлот Кирк, ѕвездата на „Ocean’s Eight“, која наводно навистина би можела да биде следната Бонд девојка.