Исламската револуционерна гарда (ИРГЦ) за време на потрагата го лоцирала и привела пилотот на соборениот американски борбен авион, објавила иранска новинска агенција, повикувајќи се на неофицијални извори, пренесе ТРТ.

Припадниците на копнените сили на ИРГЦ од утринските часови спроведувале обемни операции на подрачјето на падот на авионот и, како што се тврди, успешно го идентификувале и го заробиле американскиот пилот.

Исто така се наведува дека претходно објавената снимка од пилотското седиште, поврзана со разузнавачките структури на ИРГЦ, имала за цел да ја попречи спасувачката операција на американските сили.

Иранската агенција Тасним њуз агенси претходно извести дека американските сили не успеале да го извлечат пилотот, иако во акцијата учествувале хеликоптери од типот Сикорски УХ-60 Блек хок и транспортен авион Локхид Ц-130 Херкулес. Иранските медиуми претходно пренесоа дека еден или повеќе американски пилоти се катапултирале над југозападен Иран, со повик до локалното население да помогне во нивното пронаоѓање.

Во меѓувреме, ИРГЦ објави дека уште еден американски авион од типот Локхид Мартин Ф-35 Лајтнинг 2 бил погоден во централниот дел на Иран.

Од друга страна, неименуван американски функционер потврди за Ројтерс дека американски борбен авион бил соборен над Иран. ИРГЦ тврди дека иранските сили на 11 март погодиле Ф-35 во воздушниот простор на централниот дел од Иран.

Според тврдењата на ИРГЦ, од почетокот на конфликтот на 28 февруари се соборени два авиона Ф-35, еден Мекдонел Даглас Ф/А-18 Хорнет, два Џенерал Дајнамикс Ф-16 Фајтинг Фалкон и четири Мекдонел Даглас Ф-15 Игл.

Американската војска официјално го потврди губењето на три авиони Ф-15 и еден танкер Боинг КЦ-135 Стратотанкер за време на тековниот конфликт.

Иран му се закани на Трамп: Само допрете ни ја инфраструктурата, ќе ви го уништиме целиот имот

„Вие бевте во пештери кога ние градевме цивилизација“ – Иранците жестоко му одговорија на Трамп