ФОТО | Снеже Велков го прослави својот 40-ти роденден и сподели емотивна објава: Блескај!
Познатата водителка Снеже Велков која со години ја гледавме на малите екрани, денес е посветена на здравиот начин на живот, работи како пилатес инструкторка, а плови и во инфлуенсерските води. Таа е сопруга и мајка на две деца.
Снеже е една од нашите познати личности која категорично го прекинува трендот на „криење на годините“ како што прават познатите ѕвезди, затоа што истите се само бројка. Таа е горда на своите години, а како не би била кога изгледа подобро од кога било.
Снеже вчера го прослави својот роденден и ѝ кажа добредојде на новата етапа од нејзиниот живот. Со своите обожаватели и пријатели на социјалните мрежи откри како го поминала најважниот ден од годината, се заблагодари на сите оние кои се покрај неа и откри како се чувствува. Славеничката го прослави својот 40-ти роденден со балони, ружи и голема торта.
View this post on Instagram
Снеже ја „загриза“ 40-ката со голема насмева, а како што вели, со години е сопствеинчка на познатиот хаштаг #блескај.
„Создавањето на семејство го терав по стара програма. Сѐ си завршив до 29. Паралелно терав и кариера во „Бекстејџ“. Триесетите пак, беа резервирани за големите кариери успеси и проектите како „Х Фактор“, „Големиот брат“ и „VIP“ на еден ден. На триесет и кусур, станав и пилатес инструктор ама и сопственичка на хаштагот #блескај а од пред три години добив и повреда на коленото која пак ми го донесе точакот како лек“, напиша таа.
„Сега кога веќе нема да имам ни 2 ни 3 напред во годините редно е да кажам: Фала им на мама Цвета и тато Здравко што веруваа во мене и ја пуштија мојата своеглавост да стигне таму каде што сакав во овие 40 години. Што би се рекло сите во фамилија инженери – А Снеже – Да е жива и здрава. Фала им на оние кои не веруваа во мене заради кои станав посилна, подобра и поуспешна. Фала им на пријателите кои се тука до мене за да ме бодрат и тогаш кога не сум силна не сум добра и не сум успешна. Фала им на сите кои намерно или случајно ми се појавиле во животов овие 40 години – секој бил тука со причина, со тест или како лекција“, продолжи Велков.
View this post on Instagram
„А најмногу фала на моите тројца неверојатни човечиња: Дарко, Дарин и Ален. И за крај да си кажам: 40 (и со букви) ЧЕТРИЕСЕТ – Доволно многу сте за да не не можам да се вадам на младоста од дваесетите. Доволно звучни сте да не можам да се повикам на неискуството од триесетите… Ама и доволно многу сте да немам време за чекање!‼️ За се останато малку сте. Дури сега земам залет“, напиша Снеже.
