ФОТО: Познатата готвачка Лорејн Паскал се омажи по тригодишна врскa
Телевизиската готвачка и поранешна манекенка се омажи за бизнисменот Денис О’ Брајен со кого беше во врска три години, а во јануари се свршија. Свадбата се случила во салата „Челси олд таун“ во Лондон, а ќерката на Лорејн, актерката Ела Балинска, позната по улогата во римејкот на „Чарлиевите ангели“ (2019), ја испрати до олтарот.
View this post on Instagram
Пресреќната Лорејн сподели фотографии на својот инстаграм-профил, под кои напиша:
„Мојата најголема сила и поддршка, ќерка ми, ме даде. Ела Балинска ме инспирираш секој ден.“
View this post on Instagram
Подоцна Ела ги сподели истите фотографии за да ѝ го честита бракот на мајка си. Ела ѝ е ќерка на Лорејн од бракот со музичарот аристократ, грофот Казмиер Балински-Јундзил, со кого таа се омажи на 23 години, а се разведоа во 2000 година.
View this post on Instagram
Лорејн ја започна кариерата како фотомодел, откако беше откриена од Наоми Кемпбел. Во 2005 година по завршен курс за готвење влезе во светот на кулинарството, каде е најпозната по своите неверојатни десерти.
View this post on Instagram
Моментално е посветена на докторатот од областа на психологијата, бидејќи сакала да може да им помага на другите, наместо да биде позната готвачка која само зборува за искуствата. Имено, изборот на психологија е поради нејзините лични искуства со насилни врски и други емотивни проблеми, кои успеала да ги надмине одејќи на терапии.