Славната пејачка Тина Тарнер која минатата вечер почина на 83 години, ретко можевме да ја забележиме во јавноста во последниве неколку години.

Имено, таа последен пат беше видена во јавност во ноември 2019 година, присуствувајќи на премиерата на мјузиклот за нејзиниот живот на Бродвеј. Таа на настанот беше фотографирана како постојано седи, а додека се движела по црвениот тепих е забележано како ѝ помагале нејзиниот сопруг Ервин Бах и Опра Винфри.

Но, нејзината последна јавна фотографија на социјалните медиуми е од март 2021 година, каде е фотографирана во домашна атмосфера, славејќи ја премиерата на нејзиниот документарен филм на каналот на „Ејџ-би-о“.

„Уште само 5 дена! Оваа сабота ќе излезе документарниот филм „TINA“. Многу сум возбуденa што можам да го споделам овој филм со вас – гледањето на сцените од концертот ме натера повторно да доживеам некои од најгордите моменти од мојот живот. Едноставно морав да пеам и да танцувам низ мојата дневна соба! #TinaFilm“, напишала таа под фотографијата.

Only 5 days left! This Saturday, the documentary “TINA” will be released. I am so excited to share this movie with you – seeing the concert scenes made me relive some of the proudest moments of my life. I simply had to sing along and dance around my living room! #TinaFilm pic.twitter.com/sIGXgdzyb1

— TinaTurner (@tinaturner) March 22, 2021