ФОТО | На Лиде Лиде конечно ѝ се исполни желбата: Го запозна министерот за здравство Венко Филипче
Жената која се прослави на социјалните мрежи откако почна пандемијата на коронавирусот во Македонија позната како Лиде Лиде конечно успеа да го запознае министерот за здравство Венко Филипче.
Македонската јавност Лиде ја памети по коментарите на речиси секоја објава на министерот за здравство Венко Филипче.
Имено, Лиде долго време беше редовна во делот за коментари на бројните прес конференции на министерот, која честопати инсистираше на средба со Филипче.
Во една прилика, кога министерот гостуваше во емисија на „21тв“ беше прашан дали конечно ќе се сретне со неговата обожавателка Лиде Лиде. Тогаш Венко вети, а очигледно и остана доследен на своето ветување.
Лиде Лиде на социјалните мрежи се пофали со фотографијата во чиј опис напиша: „Конечно го сретнав“.
На фотографијата се забележува дека иако не држат премногу растојание, сепак носат заштитни маски. Особено е интересна заштитната маска на Лиде Лиде на која пишува „Лиде Венко“ со што уште еднаш покажа дека е негов вистински обожавател.