Дојде време Меланија Трамп да ја напушти Белата куќа и тоа кога таа е најмалку почитувана од американската јавност. Но, како и секогаш, таа го стори тоа со многу стил.

„Прва дама на модата“ е наслов што медиумите често го поврзуваа со името на Меланија Трамп. И навистина, има многу беспрекорни модни изгледи поради кои Меланија ќе ни недостига.

Таа ја напушти Белата куќа во одличен стил и маѓепса за последен пат со својот моден избор пред да се врати на нејзиниот секојдневен живот. Со оваа облека ја истакна својата витка фигура и уште еднаш го докажа својот добар вкус блескајќи во црн елегантен комплет.

Меланија беше облечена целосно во црно, носеше јакна „Шанел“, црни очила за сонце и алигаторска торба од Хермес Биркин, која вреди повеќе од 50.000 американски долари. Нејзините црни ракавици и препознатливата облека го надополнуваа моќниот изглед.

Патем, додека ги извршуваше должностите на првата дама, Меланија бескрупулозно потроши милиони на нејзината многу скапа гардероба – но затоа секогаш изгледаше беспрекорно.

Секако, барем во модна смисла, Меланија секогаш знаеше што сака и како да го претстави. Тоа го покажа и денес со последното појавување во Белата куќа.