Манекенката Пим Апатсара ќе мора да помине пет години во затвор затоа што се фотографирала во мини здолниште пред кралски споменик во Тајланд, пишува „Њујорк пост“.

„Ве молам, посетете го мојот град“, напишала манекенката покрај фотографијата на која позира во кратко кафеаво здолниште со долна облека со пруги и црвена маица пред статуата на кралот Рама. Фотографијата ги разбесни мештаните во покраината Бурирам.

Controversy Erupts Over Provocative Photos at Rama I Monument #SocialMedia #CulturalSensitivity #KingRamaI #Buriram #Thailand #OnlineBacklashhttps://t.co/BingZEie5G

— The Thaiger (@ThaigerNews) March 25, 2024

Локалните жители повикале полиција, а полицискиот командант Рутахол Наварат наредил потрага по Пим и ја повикал во главната полициска станица. Пим подоцна се извинила за својата фотографија и рекла дека сакала со фотографијата да ги поттикне луѓето да го посетат градот. Таа признала дека фотографијата сама ја снимила и споделила и дека намерно не сакала да го наруши имиџот на таа провинција.

– Набргу откако ги објавив фотографиите на својот профил на социјалните мрежи, добив жестоки критики од луѓето. Некои од нив беа насочени кон моите родители, што беше неприфатливо, бидејќи не знаев дека тоа што го направив е кривично дело, злосторство. Не размисли добро за она што го направив. Се извинив и ги предупредив другите да бидат внимателни кога објавуваат нешто што ги вклучува верувањата и чувствата на луѓето – рекла Пим.

– Утврдено е дека нејзиното однесување влијаело на почитта и верувањата на жителите, што предизвикало голем гнев. Затоа е повикана на сослушување, обвинета е за порнографија со затворска казна до пет години, парична казна до 100.000 бати (4.000 долари), или и двете, и јавна непристојност со парична казна до 500 бати (20 долари) – рекол Чамрас Сирилеанг, началник на полицијата.

Инаку, Тајланѓаните се познати по подреденоста на својата монархија и нејзината историја. Строго наметнатиот закон спречува кој било да го критикува или навредува кралското семејство.