Бугарската делегација предводена од бугарскиот вицепремиер задолжен за јавен ред и безбедност и министер за внатрешни работи Иван Демерџиев,  пристигна во црквата Св. Спас, во одвоено чествување на 151-годишнината од раѓањето на македонскиот револуционер и идеолог Гоце Делчев.

На платото пред црквата се очекува да пристигнат и бугарските граѓани кои сакаат да му оддадат почит на великанот Делчев.

Над 100 автомобили и десетици тешки товарни возила се блокирани на границата меѓу Бугарија и Република Северна Македонија помеѓу граничните премини „Гешево“ и „Деве Баир“. Во автомобилите запрени на граница се и патници за прославата на 151-годишнината од раѓањето на Гоце Делчев.

Сообраќајот беше во прекин околу 9 часот утринава,  поради неисправност на системот, а беше обновен по по 12:30 часот.