ФОТО | Aндреа оди на Евровизија 2022 во Торино: Ќе правиме победничко интервју!
Вчера во емисијата „Стисни плеј“ се емитуваше специјално издание во кое се избираше македонскиот претставник за Евровизија 2022.
Во трка беа шест кандидати, меѓу кои – Виктор Апостоловски, Калина Велковска, Лара Иванова, Јон Ајди, Ris Flower и Андреа Коевска
Со најголем број гласови од стручното жири, покрај гласовите од онлајн гласањето, Андреа официјално е нашиот овогодишен претставник на Евровизија и ќе оди на изборот во Торино, Италија.
Андреа ќе се претстави со песната „Circles“, дело на Александар Масевски.
Кратко по прогласувањето на победата, Андреа се огласи на социјалните мрежи и се заблагодари за сета поддршка што ја добива изминативе две недели и признава дека оваа шанса за неа е голема одговорност.
„Слободен печат“ пред неколку дена објави разговор со Андреа во кој таа отворено посакуваше победа, а во кусата изјава вчера кога ѝ честитавме преку Инстаграм, ни напиша:
„Одимееее! Ќе правиме победничко интервју!
Ова е толку нереално, лудо. Уште го процесирам. Имам спиено вкупно 2 часа… Но сум полна со енергија! Многу сакав да победам – одиме! Ова беше најпријатното изненадување за мене!“
Ти посакуваме успех, Андреа!
Разговор со Андреа во пресрет на Евровизија: Кога веруваш во себе и својата песна, тоа е доволно!
