Претседателката на Европската комисија, Урсула фон дер Лајен, денес изјави дека ЕУ и Велика Британија на денешниот Самит во Лондон „свртија нова страница“ во односите и дека партнерството во областа на безбедноста и одбраната опфаќа многу теми.

„Тоа ќе ја зајакне одбранбената соработка“, изјави фон дер Лајен на конференција по самитот ЕУ-Велика Британија, според „Гардијан“.

Таа рече дека ова е првиот чекор кон учеството на Велика Британија во заедничката програма за јавни набавки со ЕУ вредна 150 милијарди евра.