Роберто Фирмино донел одлука на крајот од сезоната да го напушти Ливерпул и тоа му го соопштил на Клоп, објави новинарот на „Скај Спорт“’, Флорија Плетенберг.

Плетенберг пишува дека Фирмино разговарал со германскиот стратег и го известил за својата желба.

„Беше тоа добар разговор“, објави Плетенберг.

Клоп претходно зборуваше дека 31-годишниот фудбалер сака да го продолжи договорот, но изгледа дека двете страни не пронашле заеднички јазик.

Фирмино во Ливерпул е од 2015 година кога пристигна од редовите на Хофенхајм. За неговите услуги „црвените“ платија 41 милион евра, а Бразилецот одигра 352 натпревари, постигна 107 голови и подели 78 асистенции. Пред четири години со клубот од „Енфилд“ ја освои Премиер лигата.

❗️News #Firmino: It was very important for him to inform Klopp after the training session today & personally. He made clear to the coach that he will fight for @LFC until the end! He wants to make another step with his family. He has not yet chosen a new club! #LFC @SkySportDE 🇧🇷 pic.twitter.com/SZLTprTyyD

— Florian Plettenberg (@Plettigoal) March 3, 2023