Најголемиот Европски фонд за копродукции „Еуримаж“ го поддржа филмскиот проект „Пролетно чистење“ на режисерката Марија Апчевска, кој се подготвува по сценарио на Марија Апчевска и Ереник Беќири.

На оваа сесија на „Еуримаж“ (Еurimage) поддржани се и проектите на еминентните режисери Рјусуке Хамагучи, Павел Павликовски, Лукас Донт, Мари Кројцер и Раду Јуде.

Филмот „Пролетно чистење“ е во продукција на „Кино око“ и е финансиски поддржан од Агенцијата за филм на Македонија. Проектот доби финансиска поддршка и од Грчкиот филмски центар, Грчката национална телевизија, Словенечкиот филмски центар, Филмското студио „Виба“ и Српскиот филмски центар.

Копродуценти од овие држави се филмските компании „Foss Productions“ (Грција), „Arsmedia“ (Словенија) и „Сервиа филм“ (Србија). Проектот „Пролетно чистење“ се развиваше со средства од SEE Cinema Network и Creative Media Programme, известија од „Кино око“.