Францускиот играч за врска Н’Голо Канте сепак е нов фудбалер на Фенербахче, откако ФИФА ја прифати жалбата што ја поднесе турскиот клуб и даде зелено светло за трансферот од Ал-Итихад.

Договорот првично беше доведен во прашање поради административна грешка на саудискиот клуб, кој погрешно го пополнил ФИФА-ТМС системот (системот за управување со трансфери). Поради тоа, ФИФА го стопираше трансферот, а Фенербахче вчера дури излезе и со официјално соопштение во кое ги образложи причините за застојот.

По поднесената жалба, реакцијата од ФИФА беше брза, а откако од Ал-Итихад пристигна правилно пополнетата документација, трансферот беше одобрен без дополнителни пречки.

Фенербахче за Канте ќе плати сума од четири милиони евра, а како дел од договорот во Ал-Итихад заминува и Јусуф Ен-Несири.

„Некои приказни траат долго, но никогаш не завршуваат. Добре дојде во Фенербахче, Н’Голо Канте“, порачаа од клубот.

Искусниот француски репрезентативец потпиша договор со Фенербахче до летото 2028 година.

 

View this post on Instagram

 

A post shared by Fenerbahçe (@fenerbahce)