Швајцарскиот тенисер Рожер Федерер, кој моментно се опоравува од операцијата на коленото, вели дека нема да игра на „Австралија опен“, и дека тешко дека ќе се врати на турнирите пред средината на следната година, пренесува весникот „Л`Мотен“.

Својот последен меч го одигра минатиот јули, оттогаш тој е надвор од теренот поради операција на коленото. Дефинитино ќе го пропушти првиот грен слем следната година во Мелбурн (17-30 јануари).

Се очекува да паузира уште најмалку седум месеци, а главното прашање е дали освојувачот на 20 грен слем титули ќе биде подготвен за својот омилен турнир во Лондон.

– Морам да бидам трпелив, потребно е време за да заздрави коленото. Следните неколку месеци ќе бидат клучни, би бил многу изненаден доколку можам да настапам на „Вимблдон“ – рече 40-годишниот Федерер.

Тој додаде дека би можел да почне со трчање јануари, а тренинзите на тенискиот терен би биле во март или април.

– Животот нема да ми се сруши доколку повеќе не играм во финале на грен слем турнир, но верувам дека ќе се вратам – се зборовите на Швајцарецот.

Roger Federer is not returning before this summer 🥺

"The truth is that I would be extremely surprised to be able to play Wimbledon. Australia is not an option at all. But that's no surprise for me."

(via @tdgch) pic.twitter.com/EDzeL4q165

— We Are Tennis (@WeAreTennis) November 17, 2021

Кирјос повторно провоцира: Никогаш не би играл дубл со Ѓоковиќ