Евертон е сериозен, на „Гудисон“ доаѓа и светски шампион – Слободен печат
СпортФудбал

Евертон е сериозен, на „Гудисон“ доаѓа и светски шампион

Сидибе прави трансфер во Евертон кој ова лето е многу активен на фудбалскиот пазар и најави дека има сериозни амбиции во новата сезона.

Џибрил Сидибе кој со француската репрезентација лани ја освои светската титула наскоро се очекува да го облече дресот на „карамелите“.

Според француските медиуми, играчот доаѓа на позајмица на „Гудисон Парк“ со опција неговиот договор да биде откупен на крајот од сезоната.

Тоа би било уште едно големо засилување за менаџерот Марко Силва откако во изминатиот период беше потпишан младиот напаѓач на Јувентус, Моизе Кин.

Претходно дојдоа уште Андре Гомеш од редовите на Барселона, потоа Фабиан Делф, Јонас Лосл и Жан-Филип Гбамин.

„Л`Екип“ пренесува дека наскоро треба да биде промовиран Сидибе кој досега ги бранеше боите на Монако. Позајмицата би вредела 2,5 милиони евра, а наредното лето премиерлигашот треба да го откупи за 14 милиони евра.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close