Кин (19), италијанскиот напаѓач како еден од најталентирани европски фудбалери, доаѓа во тимот на Евертон летово после новите играчи од средниот ред Андре Гомеш, Фабиан Делф и Жан-Филип Гбамин и голманот Јонас Лосл.

– Многу горд што ќе го носам дресот на Евертон, ќе го давам максимумот на секој натпревар. Евертон е клуб што гледа кон иднината, со големи амбиции и ќе работам напорно да помогнам во остварувањето на целите. Навикнат сум на победи и сакам да донесам победнички дух во екипата – рече Кин.

?? | The Italian: Job done! ✅ pic.twitter.com/cTag5mL9yC

— Everton (@Everton) August 4, 2019

Тој исто така се надева дека ќе покажува добри перформанси на терените и ќе им донесе радост на навивачите.

Минатата сезона за Јувентус имаше 13 одиграни мечеви со постигнати шест голови во италијанската Серија А.

Дебитираше за „Старата дама“ на 16 години, заменувајќи го хрватскиот напаѓач Марио Манџукиќ против Пескара во ноември 2016.