Напаѓачот на Манчестер сити, Ерлинг Халанд запиша еден гол во убедливата победа над Арсенал од 4:1 во премиерлигашкото дерби.

Моментно „граѓаните“ се во многу подобра позиција во трката за титулата оваа сезона, иако менаџерот на клубот од „Етихад“, Пеп Гвардиола не го потценува лондонскиот гигант.

Халанд во својата дебитантска сезона веќе го урна рекордот по бројот на голови во Премиер лигата, а до крајот на сезоната за Сити остануваат уште седум натпревари.

Норвежанецот постигна 33 голови и го надмина досегашниот рекорд на Мохамед Салах кој во сезоната 2017/2018 дојде до бројката од 32 погодоци.

Доколку постигне само уште еден гол во следните седум натпревари, Халанд ќе се израмни со легендарниот Алан Ширер од сезоната 1993/94 и Енди Кол од сезоната 1994/95 кои постигнаа по 34 гола во лигата, но тогаш имаше 22 екипи, два повеќе од сегашната сезона во Премиер лигата.