Maнчестер Сити вечерва го победи Арсенал во дербито на колото во Премиер лигата со 4:1 и така дојде многу поблиску до титулата во најсилната англиска конкуренција.

Арсенал во овој натпревар влезе со три нерешни натпревари во низа, а тој пад во формата беше забележителен и вечерва. Кевин Де Брујн на асистенција на Ерлинг Халанд по само седум минути го отвори резултатот.

Имаа шанси на моменти и избраниците на Микел Артета, но „граѓаните“ беа многу поконкретни. Голот за 2:0 го постигна Стоунс во судиското продолжение од првото полувреме.

Второто полувреме донесе уште поголема доминација на Манчестер Сити. За 3:0 повторно се погрижи тандемот Халанд – Де Брујн, Норвежанецот одново беше асистент, а Белгиецот стрелец. Холдинг беше стрелец на утешниот гол на Арсенал, а конечните 4:1 ги постави Халанд во последните секунди од натпреварот.

Со овој триумф Сити дојде на само два бода Арсенал и тоа со два натпревари помалку, па така има отворен пат кон титулата во последните шест кола.

Во останатие натпревари Челзи им приреди ново разочарување на навивачите со поразот од Брентфорд, Ливерпул со истиот резултат беше подобар Вест Хем додека Нотингем со 3:1 го совлада Брајтон.