ЕКСКЛУЗИВНО ВИДЕО | Девојче и нејзината мајка тешко повредени во гранатирањето на Киев
Едно 7-годишно девојче и нејзината мајка се потешко повредени во утринскиот ракетен напад во главниот град на Украина Киев. Спасувачките екипи засега евакуирале 25 лица, а има и четворица повредени, но потрагата продолжува оти се знае дека под урнатините има уште заглавели луѓе, јавува специјалната известувачка на Слободен печат и Утрински брифинг Кристина Атовска од Киев.
Четири експлозии беа регистрирани утротво во Киев, при што беше погоден станбен комплекс во близина на центарот на градот, а тоа предизвикува пожар, јавува Атовска од лице место. Таа додава дека штотуку е објавено оти досега се пронајдени еден загинат и пет повредени во првиот бран гранатирање, а дека во Киев во моментов повторно се слушаат експлозии.
Експлозиите се случиле околу 6:30 часот по локално време половина час откако се огласиле сирените за воздушен напад во главниот град.
-Неколку експлозии се регистрирани денеска наутро во украинскиот главен град Киев, по што итните служби се распоредени во градската област Шевченко… Во две згради во тек е спасување и евакуација на ителите, објави градоначалникот Виталиј Кличко на Телеграм.