Напад врз полициски службеник, кој резултирал со една година казна затвор, но условно, предизвика револт во Македонскиот полициски синдикат.

Оттаму велат дека ваквата пресуда на судот во Виница е срамна и де факто е ослободителна, додавајќи дека не поттикнува превенција за одвраќање на сторителите на вакви кривични дела во иднина, па полициските службеници се уште се под ризик при извршувањето на работните задачи.

– Алтернативните мерки се изрекуваат за полесни кривични дела, па се поставува прашањето дали кривичните дела за Напади на полициски службеници се сметаат за полесни кривични дела, ако се земе предвид заштитеното добро како објект на заштита односно полициската служба, која треба да преставува гарант на заштита на јавната безбедност и слободите и правата на граганите, а јачината на загрозувањето или повредата на заштитеното добро преставува една од отежнителните околности, кои судот задолжително треба да ја земе предвид при изрекување на санкцијата, се вели во соопштението на МПС.