Е. Пелистер со максимален учинок оди на репрезентативна пауза
Ракометарите на Е. Пелистер со максимален учинок заминуваат на репрезентативната пауза, откако славеа и на четвртиот натпревар од плеј-офот.
Во братскиот дуел против Е. Пелистер 2, составот на Жељко Бабиќ рутински излезе како победник со 39:18 (19:10) и остана единствена екипа со максимален ефект.
За победничката екипа со седум голови најефикасен беше Радовиќ, а на спротивната страна четири погодоци беа дело на Талевски.
Играчите на Бабиќ остануваат на првата позиција на табелата, пред Вардар 1961, пред Бутел Скопје, Е. Пелистер 2 на четвртото место, на петтата, односно шестата позиција се Тиквеш и Охрид.
Потсетување дека в сабота е собирот на најдобрите наши ракометари за претстојниот мундијалски бараж против Чешка.