Џулија Робертс и Џорџ Клуни повторно заедно на филм: Тие се ѕвездите во новата романтична комедија
Џулија Робертс и Џорџ Клуни играат завојувани родители во новата комедија „Ticket to Paradise“, а сега е објавен и официјалниот трејлер.
Мега филмските ѕвезди се обединија по четврти пат на екранот со проект, предводен од Ол Паркер, британскиот режисер и сценарист кој стои зад мјузиклот од 2018 година „Mamma Mia! Here We Go Again“.
Во новообјавениот трејлер, ги гледаме Робертс и Клуни кои глумат поранешни партнери во мисија да ја спречат нивната ќерка да ја направи истата грешка што ја направиле тие пред 25 години – односно да не се впушти во брачните води толку млада.
Нивната ќерка Лили која ја игра Кејтлин Девер ја запознава љубовта на нејзиниот живот на патување на Бали веднаш по своето дипломирање.
Сепак, судејќи по трејлерот, се чини дека патувањето на Џулија и Џорџ на Бали со цел да ја разубедат нивната ќерка завршува како патување за решавање на сопствените проблеми еден со друг.
Како што се наведува, филмот ќе ја има својата премиера на 21 октомври годинава