Американскиот актер Двејн Џонсон, според списанието „Форбс“, втора година по ред е најплатен актер.

Популарниот „Карпа“ според Би-би-си, во периодот меѓу 1 јуни 2019 година и 1 јуни 2020 година заработил 87,5 милиони долари.

Освен од филмската индустрија, Џонсон заработил пари и од неговата линија за фитнес облека „Project Rock“.

Втор на списокот на најплатени актери е Рајан Рејнолдс со заработка од 71,5 милиони долари.

На третото место се најде актерот и продуцент Марк Валберг, со заработени 58 милиони долари, четврти е Бен Афлек, а на петто место е Вин Дизел.

На шестото место се најде индискиот актер Акшај Кумар, со заработка од 48,5 милиони.

На списокот се наоѓаат и креаторот на Хамилтон, Лин-Мануел Миранда, актерите Вил Смит и Адам Сендлер, како и Џеки Чен.

Кога ќе се собере заработката на првите десет најплатени актери во изминатата година, излегува дека заедно тие заработиле 545,5 милиони долари, а една четвртина од таа сума доаѓа од Нетфликс, пишува „Форбс“.