-Дебар на 13 март беше прогласан како кризно подрачје. Вирусот беше импортиран од Италија. Луѓето ги почитуваат мерките од Владата, добро ги знаат опасностите од вирусот, изјави за „Утрински брифинг“ на „Слободна ТВ“ Хекуран Дука, градоначалник на Дебар.

Тој објасни колку случаи се регистрирани, колку починати и колку има излечени лица.

-Штабот за кризи редовно ги известува граѓаните. Имаме 47 случаи од кои 4 се смртни. Од друга страна имаме и осум излечени. Се на се имаме 148 лица во домашна изолација и веќе трет ден немаме позитивни случаеви. Сметам дека состојбата е постабилна, но тоа не значи дека немаме нови инфицирани, вели Дука.

Аптеките и маркетите се снабдени, но не може да се претпостави до кога ќе трае кризата.

-Никој не може да претпостави до кога ќе трае кризава. Однесувањето на КОВИД-19 е многу чудно и во исто време интелигетно. Затоа не би знаел до кога ќе трае оваа ситуација со епидемијата.

Имаме редовна координација со сите органи. Нашите барања воглавно се реализираат и кај нас маркетите, аптеките се снабдени. Има минимално движење и заедно со граѓаните ќе го совладаме сето ова, изјави Дука.