Членови на ДУИ, меѓу кои и советниците од оваа партија при Советот на Општина Тетово оставија вреќи преполни со комунален смет како што рекоа, за да го изразат својот револт од валканиот град и преполните контејнери.

„За да им покажеме со што се соочуваат граѓаните секојдневно денеска пред општината поставуваме вреќи за ѓубре за да ги потсетиме колку е загаден градот. Фокусот на кланот на урбаната мафија што ја води Општина Тетово е на милионски тендери и згради, а не на граѓаните. Депониите што се создадени во секое маало претставуваат сериозна закана за животот на граѓаните. Отпадот кој почна да мириса е знак дека во овие депонии кои се создадени во секое маало во Тетово има бактерии и микроорганизми кои се многу опасни по здравјето на граѓаните, а особено за нашите деца.Веќе ветивте дека ќе го направите Тетово Дубаи, но всушност го направивте Русино и голема депонија“, рече Лиридон Диша, советник од ДУИ во советот на Општина Тетово.

Општина Тетово минатата година склучи договор со словенечка компанија за менаџирање со сметот во Тетово односно собирање и транспортирање на комуналниот отпад на дневна основа. Во договорот стои дека странската компанија ќе има обрска да ги задржи сите комунални работници, да ги плаќа редовно, но и да обезбеди нови камиони и контејнери за отпад.

Првата најава беше дека компанијата ќе започне да стартува на терен со работа од 1 декември 2023 година, но официјалниот почеток беше презакажан за 1 јануари годинава. Но, сега последната најава на градските власти е дека менаџирањето со сметот словенечката компанија со сигурност ќе го презема од 1 февруари.

Тетовскиот градоначалник, Биљал Касами минатата недела ја посети австриско-словенечката компанија која треба да го презема стопанисувањето со сметот во Тетово од каде изрази верување дека ќе има рециклирање на смет.

Сагата на тетовските комуналци: Останав без интервенција на трансфузиологија, а лековите за аритмија ги купувам приватно оти немам осигурување